DUNIA YETU

MTOTO AFANYIWA UKATILI NA MTU ANAEDAIWA KUWA SHANGAZI YAKE

 

Mtoto Fabiani Masumbuko(4) mkazi wa tarafa ya Butundwe wilayani Geita anadaiwa kunyanyaswa kwa kuunguzwa mikono yake na shangazi yake kwa kile kinachodaiwa kuwa mtoto huyo alichukua kiazi kitamu  bila ridhaa yake na kukichoma kwenye moto ili baadaye akile kutokana na njaa aliyokuwa nayo.

Tukio hilo limetokea tarehe 4 mwezi huu ambapo hadi sasa hivi shangazi wa mtoto huyo hajafahamika  alipo mara moja baada ya  kutenda unyama huo  na kutoroka huku wasamaria wema waliomkuta mtoto huyo walimchukua na kumpeleka hospitali.

Kaimu mganga mfawidhi wa hospitali ya wilaya ya Geita George Rweyemela amesema  kuwa wamempokea mtoto huyo tarehe 5 kutoka kwa wasamaria wema waliomleta  lakini baada ya kumkabidhi waliondoka bila kuaga na na kuwalazimu kuendelea kumtunza kwa uangalizi wa hospitali na kumhudumia maana hawajui hata ndugu yake na wala hajajitokeza hadi sasa hivi''

Aliongeza kuwa kutokana na hari aliyokuwa nayo mikono ilikuwa imeunguzwa na sehemu za makalio tuliweza kumpima na kubaini kuwa ana ukosefu wa lishe kutokana na kukosa chakula kwa muda mrefu hivyowanaendelea kumpa matibabu.
Mwandishi aliyefika katika hospitali hiyo alimkuta mtoto huyo akifanya mazoezi ikiwa ni dalili za kuwa ameshaanza kupata unafuu huku akiongea kwa shida kutokana na maumivu aliyonayo.

 

Kamanda wa Polisi  mkoani hapa Joseph Konyo alithibitisha kupata taarifa za mtoto huyo lakini uchunguzi wa kumtafuta mtuhumiwa bado unaendelea ili ili afikishwe kwenye vyombo vya sheria.