HOME
Ligi Kuu soka Tanzania bara imeendelea
leo Jumanne ya May 10 2016 katika uwanja wa Sokoine, kwa wenyeji Mbeya
City kuwakaribisha Mabingwa wa Ligi Kuu Tanzania bara mara mbili
mfululizo klabu ya Dar es Salaam Young Africans.
Yanga ambao msimu huu wa Ligi Kuu
wamefungwa mechi moja na Coastal Union katika uwanja wa Mkwakwani Tanga,
wameibuka na ushindi wa goli 2-0, magoli ambayo yamefungwa na beki wao
wa kimataifa wa Togo anayeichezea klabu hiyo Vicent Bossou dakika ya 15
na Amissi Tambwe akapachika goli la pili dakika ya 84.
Kabla ya mchezo Yanga ambao walitangazwa
Mabingwa baada ya Azam FC kupokonywa point tatu, walikuwa wanataka
kushinda mchezo huu ili kuweka heshima ya kutwaa Ubingwa pasipo
kutegemea point za mezani, Amissi Tambwe ameendeleza rekodi yake ya
kufunga mechi tatu mfululizo baada ya kufunga goli la pili leo.
Chapisha Maoni